諾諾遊記：沙頭角農莊到此一遊，有d失望😶
諾媽帶諾諾周圍去玩兼寫遊記，目的係想分享多d親子好玩好玩既野，但今次諾諾一家表示失望😞
沙頭角農莊之前只接受團體參觀，最近正式開放比個別人士網上訂票參觀；諾媽上網比較過幾個農莊後，最後揀咗沙頭角農莊去參觀...
當日半夜曾經落過雨，但朝早已經好天，所以一家人照樣出發，到達農莊，場地表示因天雨關係，彈床設施唔開放😥，而鯉魚池又因為維修而暫停開放，農莊內禾田喜山種植園內所有設施需另外付費（大部份都無開）...
最後諾諾玩咗：射擊遊戲、腳踏高卡車、波波剷泥機同埋睇動物。
睇動物需要上半山，沿途經過泥地工地，沿路有青苔，都幾滑下，諾媽諾爸都好小心翼翼咁行，終於去到睇動物喇，諾諾即刻沖去餵山羊，
餵完山羊聽講重有兔仔，所以就周圍搵兔仔蹤跡，點知見到兔仔被分開一隻/兩隻一組，各困係尺半籠入面不見天日😭籠外有d木板圍住，單係外面睇幾乎唔知有動物養係裡面，最後職員告知話可以從上開蓋餵兔仔，一打開蓋，d蚊滋飛晒出黎，將菜擺晒落兔籠就9秒9離開個個範圍，全程唔敢打開口😫最後諾諾一家決定離開農莊，結束參觀。
諾媽感想：部分農莊設施可能因為裝修緊，所以無開，而彈床設施又因為當日半夜落雨而關閉（但唔見有人清理緊彈床）引致當日好多嘢都無得玩，最重要係動物無得到妥善照顧！亦無比合適嘅空間比動物居住...... 整體同網頁上所見既圖片差好遠🤨😑
最後附上沙頭角農莊收費及資訊
*入場＋導賞團$80/成人
*入場＋導賞＋任玩設施$150/成人
*入場＋導賞＋任玩設施＋BBQ任食$250/成人
地址：香港新界沙頭角塘肚村30G
電話：31014718
Search